Наместо за Македонија, Изет Меџити отиде во Приштина да навива за Косово. Во време кога граѓаните се соочуваат со сериозни економски и социјални проблеми, Меџити избра да присуствува на прослава надвор од државата и јавно да изрази поддршка за Косово.
Фотографии и објава на неговиот Фејсбук профил покажуваат дека тој бил дел од масовен настан во центарот на Приштина, заедно со бројни присутни, како и со јавни личности, меѓу кои и пејачката Shkurte Fejza.
Во објавата, Меџити напиша:
„Во срцето на Приштина, славиме за Косово заедно со иконата на албанската народна музика Шкурте Фејза и илјадници Албанци од земјата и дијаспората.
Напред Косово 🇽🇰“
Овој потег предизвика реакции во јавноста, особено поради прашањето за приоритетите на политичарите. Наместо фокус на домашните проблеми и обврските кон граѓаните, Меџити избра да се појави на настан со силна национална симболика надвор од Македонија.
Критичарите сметаат дека ваквото однесување испраќа погрешна порака и отвора дилеми за тоа колку актуелните функционери се посветени на решавање на проблемите во државата.
