Еврокомесарката за проширување, Марта Кос, во недавен интервју за Euronews Bulgaria ја нагласи важноста на уставните измени за напредокот на Северна Македонија кон полноправно членство во Европската Унија. Според неа, постојат две клучни точки што ја дефинираат патеката за пристапување на земјите од Западниот Балкан, меѓу кои и Македонија.
„Знаете, веќе имаме отворени преговори за пристапување со некои земји од регионот, како Црна Гора, Албанија и Србија. Чекаме да започнеме со Северна Македонија и Босна, а Косово, како што знаете, е на крајот на оваа листа. Од друга страна, Украина и Молдавија постигнале значителен напредок и направиле бројни реформи, што им овозможи да се приближат до членството. Сите овие земји треба да ги исполни своите обврски, но има значајни можности за нив да станат нови членки на ЕУ“, истакна Кос.
Еврокомесарката потсети дека Северна Македонија веќе презема важни реформи како дел од процесот на пристапување, но истовремено нагласи дека официјалната почетна фаза на преговорите не може да започне без промена на уставот на земјата. „Тие мора да го променат Уставот. Штом го променат, без понатамошни одложувања или дополнителни услови, ќе можеме да го организираме она што го нарекуваме Меѓувладина конференција“, изјави Кос.
Овој процес на реформи и уставни измени е неопходен за да се започне со конкретни преговори, а Кос се надева дека Македонија ќе ги направи потребните чекори што побрзо.
Покрај уставните измени, Кос нагласи дека Северна Македонија веќе ги има постигнато некои позитивни резултати во својата интеграција во ЕУ, како што е членството во механизмот СЕПА од октомври, што им овозможува на компаниите и граѓаните на земјата да заштедат значителни средства. Таа исто така спомена дека постои договор помеѓу Северна Македонија и Бугарија за изградба на Коридорот 8, кој ќе ја поврзе Јадранското Море со Црното Море, што ќе има големо значење за транспортната поврзаност во регионот.
„Тоа е многу важно во поширок контекст и ќе донесе нови можности за економски раст и интеграција“, додаде Кос.
Во однос на идните чекори, еврокомесарката изрази оптимизам и надеж дека Северна Македонија ќе продолжи со реформите и ќе ја заврши потребната уставна променa, што ќе биде клучен момент за напредокот на земјата во процесот на пристапување кон Европската Унија.
