Американската амбасадорка во Северна Македонија, Ангела Агелер, во интервју за ТВ21, испрати едно од најјасните посланија досега, истакнувајќи дека уставните промени и завршувањето на Коридорите 8 и 10 се клучни не само за Македонија, туку и за регионалната безбедност и економијата на Балканот.
Во интервјуто, Агелер изрази големо задоволство од напредокот на градежните работи на Коридорите 8 и 10, кои се изведуваат од консорциумот „Бехтел и Енка“. Таа посочи дека е особено задоволна од Коридор 8, не само затоа што на овој проект работи водечка американска компанија, туку и затоа што од стратегиски аспект, овие коридори се клучни за НАТО и безбедноста на целиот регион.
„Коридорите не само што ја зајакнуваат безбедноста на државата, туку и значително ќе ја поттикнат трговијата“, рече Агелер. Таа го поздрави и соработката меѓу македонскиот и бугарскиот министер за транспорт, оценувајќи го спогодбата како „исклучително важна“, и честитајќи им за храброста да постигнат заеднички интерес.
„Немам трпение да ги извозам патиштата и тунелите кога ќе бидат завршени“, додаде Агелер со насмевка.
Амбасадорката истакна и дека Коридор 10 има стратегиско значење не само за економијата, туку и за безбедноста на Северна Македонија.
Во интервјуто, Агелер исто така говореше за основите на партнерството помеѓу САД и Северна Македонија, нагласувајќи дека односите не се темелат само на геополитички интереси, туку и на длабоки вредносни принципи. Првата и најважна заедничка вредност е вербата во демократијата, додека втората е економскиот развој, кој носи сигурност како за македонските граѓани, така и за американските партнери.
„Силната економија во Северна Македонија значи и сигурност за САД“, истакна Агелер, додавајќи дека партнерството во безбедносната сфера е третата основа на заедничките интереси. Таа нагласи дека членството во НАТО е „огромно достигнување“ и дека земјата е важен сојузник во зајакнувањето на трансатлантските и европските односи.
Агелер зборуваше и за состојбата на судската системa, при што посочи дека политичкото влијание е присутно, но е оптимистична дека ќе се појават луѓе со добра волја кои нема да се поддаднат на притисок. Таа додаде дека САД инвестирале „половина милијарда евра“ во судската системa, но дека резултатите не се на очекуваното ниво.
„Сакам луѓето во државата да ја вршат својата работа. Секој својата. Дали станува збор за полицијата, за финансиската полиција или за судската система — треба да има систем кој ќе овозможи институциите да функционираат“, изјави Агелер.
Во однос на патот на земјата кон Европската унија, амбасадорката изрази уверување дека работата на уставните промени активно напредува и дека се водат разговори кои ќе го отворат патот за започнување на процесот.
„Сто проценти сум сигурна дека се работи на уставните промени. Охрабрува тоа што гледам активни разговори за започнување на процесот. За членство во ЕУ, процесите мора да се следат“, изјави Агелер.
На крајот, амбасадорката заклучи дека целта на САД е Северна Македонија да стане „попосигурна, посилна и постабилна држава со одржлива демократија“, при што истовремено ги охрабри институциите да бидат двигател на реформите, наместо политичките конфликти.
