Кандидатот за градоначалник на општина Тетово, Биљал Касами од движењето ВРЕДИ, вечерва прогласи победа во првиот круг на локалните избори.
Во објава на својот официјален профил на Фејсбук, Касами им се заблагодари на граѓаните на Тетово за поддршката и ги повика на заедничко славје.
„Благодариме Тетово за големата победа! Бескрајно благодарен. Се гледаме на плоштад во 22:30 часот,“ — напиша Касами.
Со оваа порака, тој најави прослава на плоштадот во Тетово, каде што, според неговите зборови, ќе се одбележи „големата победа“ на неговиот тим и поддржувачите на движењето ВРЕДИ.
Иако официјалните резултати од Државната изборна комисија сè уште не се целосно објавени, Касами изрази уверување дека поддршката на тетовчани е доволна за победа уште во првиот изборен круг.
